అప్పుడే పుట్టిన పిల్లలు, చిన్నపిల్లలు మరియు తల్లుల బలమైన ఆరోగ్యానికి మంచి పోషకాహారం పునాది వేస్తుంది. బలమైన రోగ నిరోధక వ్యవస్థ, సురక్షిత గర్భం, ప్రసవం వంటి వాటికి స‌హ‌క‌రిస్తుంది. డయాబెటిస్, హృదయ సంబంధ లాంటి వ్యాధులను తగ్గించడానికి, దీర్ఘాయుష్షుకు తోడ్పడుతుంది.

పోషకాహార లోపం శారీరక, మానసిక పెరుగుదల పెను ప్రమాదం. చిన్న స్థాయి లోపం కూడా శారీరక, మానసిక పెరుగుదలపై ప్రభావం చూపడంతో పాటు చిన్న పిల్లల్లో రోగ నిరోధక శక్తి తగ్గుదల, గర్భిణీల్లో సమస్యలు, పునరుత్పత్తి తగ్గడం లాంటి ప్రమాదాలకు దారి తీస్తుంది. ఆకలి, పోషకాహార లోపం చిన్న పిల్లల్లో నేర్చుకునే సామర్థ్యంపై ప్రభావం చూపి వారి చదువులను, పురోగతిని తగ్గిస్తుంది. సరైన పోషకాహారాన్ని పొందడం అనేది మొత్తం మానవ, దేశ అభివృద్ధికి కీలకం. దాంతో పాటు విద్యలో మెరుగైన ఫలితాలు, పని ప్రదేశాలలో ఆరోగ్యకరమైన మానవ వనరులు మరింత సమానమైన సమాజం కూడా సాధ్యపడుతుంది.

ఐక్యరాజ్య సమితి విడుదల చేసిన సుస్థిర అభివృద్ధి లక్ష్యాలు 2020 నివేదికలో పోషకార అవసరాన్ని గుర్తించింది. ఆకలిని అంతం చేయడం, ఆహార భద్రత, మెరుగైన పోషణను సాధించడం, స్థిరమైన వ్యవసాయాన్ని ప్రోత్సహించడం వంటి అంశాలను లక్ష్యంగా పెట్టుకుంది.